« قصیــدة یا حمــامه »
یاحمامه الیدّعی مفجوع بالفرگه مهو بس بکلامه
یا حمامه الفارگ أحبابه ینوح اللیل کلّه ولاینامه
یاحمامه یاحمامه
***
یاحمامه الما بکل النوح فوگ الدوح نحتی
یاحمامه الما بصوت الودّع الخلّان صحتی
یا حمامه الونتچ سویعه تونّیها وسکتتی
یا حمامه الما بعین السهرت من الهم سهرتی
یاحمامه الما بشفرة سیف الفراگ انجرحتی
یا حمامه الما بسچّینة حچی الواشی انذبحنی
یاحمامه الما تصوّبتی بسهم عیله و وگعتی
یاحمامه الما عثرتی بلچمة المحنه وسگطتی
یا حمامه الما رکستی بموجة الحیره وطفحتی
یاحمامه النمتی فوگ الغصن مرتاحه وهجعتی
یاحمامه العلی فراش الروض شرقدتی ورگدتی
یاحمامه الما بجنح الشوگ للمعشوگ طرتی
یاحمامه الما بنار الواجها البین احترگتی
یا حمامه بعطبة الشوغات مایوم انلچعتی
یاحمامه الما درکتی الشوگ شنهو ولَفتهمتی
یا حمامه الما دقیقه بناب صِل لوعه انلسعتی
یاحمامه المانصبتی چواین الحرگه ولطمتی
یاحمامه البس بصابع چذب لِدمُوعچ مسحتی
یاحمامه بنوحچ الچذّاب حصّلتی اللیامه
والینوح بحرگه ذاک الهام بالبر وستمر نوحه وهیامه
یاحمامه یاحمامه