بس احنا سیاستنا ذبح وارهاب من الباب للمحراب
فضائیات عدنا بقد عواء الذیب طاحوا لک علینا بین طیب وطاب
وتیارات عدنا بقد نفوس الصین ومن کثر القصب والبردی عدنا احزاب
یاهو اللی تلزمه یقول انا الزین وغیری محیّل وکذاب
باعوه الوطن تفصیخ بالمزاد حمّل شیل غیر حساب
هو مو مال ابوهم حتى یبیعوه کل اللی اجوه اغراب
اخوی الکردی یطالب راید استقلال وحق ابن الجنوب یرید له طلاب
وابن بغداد عایش بس على التفخیخ والتفجیر یذبح رقبة الطلاب
ما یقبل علی سنة عمر تنعاب ولا شیعة علی ینکرها ابن خطاب
من الله خلقنا بهل الوطن خوّان سنة وشیعة فد کتاب
ما اقلک تفاخر هذا حکی الیوم بس دقق علینا وراجع الانساب
کلنا من ظهر واحد نسل عدنان لو قحطان ودین اهلی سمح ومشرع الابواب
سوونا طوایف ناس تاکل ناس وسووهة شریعة غاب
مو هذی ثقافتنا وحق الله هذی فکرة الاجناب
اصحوا یا عراقیین کافی النوم مو طب بمحلکم وحطّب الحطاب