یــا الماشی سفـر لاحواز،وصیه أرجوک وصیناک
وصینـاک إذا تـمـشـی خـل بــالـک عـلـه الــوصـاک
وصیه و للیـوصی حگـوگ،ما تـدری أبفعل دنیاک؟
صـم تــراب وصـیتک، مـــن تــرجـــع تجیب اویـاک
صــم تـراب مـن احواز کحلـه العـیـنـی و أتــرجـاک
لو شفت الوطن گـله، عـاشگ مبتلی وعشگاک
گـله أنـمــوت ألـف مــوته،مـن نسـمع یمـر طرواک
گـله و نعـمیـنه أعـلیک و مــن یـوم الــذی عـفـناک
نسینه ارو احنه أتـولی، بـس هیهـات ابـد ننساک
فدوه أتـروح إلک روحی،فــدوه الکل شعـر رمـشـاک
شعره ،بس تساوی الکون،الکون و هم بعد یفداک
یــا ریحـة مـسچ یـا هـیـل،مـاشـاب الــذی شماک
نبچی والــدمع مــن دم یــا عـونـه الــذی شـافـاک
یــا عـونــه الیحضنک حیل و یمـوت أبوسط حضناک
خــاف أنـمـوت بـــالغـــربــة،مـوتـة ذل بعـــد عیناک