قصیده عفیةشعب

عفیة شعب... بیه العجایب مو عجب جمعة ندم... جمعة غضب أنواع عدنه من الجمع ...کل وحده عنوان وخطب جمعة صمت... جمعة شغب جمعة حواسم بالبلد جمعة سلب عفیة شعب... مرة لطم... مرة لعب مرة یصفک للصنم مرة یشجع المنتخب عفیة شعب... نایم على آبار النفط ولهسه یطبخ بالحطب عفیة شعب... مثل الجمل عاکول یاکل للأسف وشایل على ظهره ذهب عفیة شعب... حتى بوکت بیده الأمر تیّه احسابه وما حسب وحتى البعض من أمّنه ونطاه صوته وصعده بس یوصل الکرسی کَلب نهرین عنده وما زرع والغربة بیه زرعت رعب عبوات...والغام... وحزم ما قصروا أهلی العرب دم ومآتم حمّلت وصار الحصاد من الرکَب یابو لهب... دزِّنه من عدکم حطب وارتاح لتشیل الحمل حماله عدنه اعله الطلب بس یا شعب... معذور من صابک تعب ثلاثین مرَّن بالألم... بالجوع مرة... وبالحرب جیش القدس... جیش السما... جیش الأرض وجیوش أنواع ورتب بس یا شعب لا تستلب فک عینک وشوف الدرب میّز العدو... من المحب میّز الصدک... من الجذب رکِّز عدل... من تنتخب الشغلة لازم تنحسب هذا عدل... لو مو عدل ؟ أصل وفصل... لو بس شکل ؟ من الکتل... من النخب ؟ بس للوطن... لو للحزب ؟ میهمک شلابس بعد... قاط أجنبی... صایة وعکَل عمامة وبشت المهم شایلَّه عقل والمهم میبیع البخت والمهم... والکلش أهم صادق یحافظ على الشعب