قصیده یعبیس/فاضل السکرانی/

یعبیّس حریمه العُمروخساره دلیلی ابلیل مُظلم بَدلو إنهاره یعبیّس دأیّس ما بگت خوّه لِوَو ساعِد مجدها ابخُلُف وتلوّه أمس تدری الأخو الما یستحی اشسوّه؟ گطع یمنة اعضیده و طبّر ایساره یعبیّس دأیّس ما بگت غِیره ولاچن چانت اِترش مجد بِالدّیره عمل گطعِ المواصل هاذ تأثیره یخلّی الگلب مچوی وتلتهب ناره یعبیّس دأیّس ما بگت رِجّه گِضت رجّةِ الخُوّه اشبعَد نِترجّه أخوی ابن اُمّی ایدوّر عَلی حِجّه زعل ما وصل بیتی و ما وکت زاره یعبیّس دأیّس مامش امروّه حِده الحادی ابظعَنها وللشَّرُگ نَوّه ما شع نور منها و للسّلف ضوّه و لا نشمی العلگ قندیلها ابداره یعبیّس دأیّس مامش امحنّة و لاچن بِالصرایف چانت وچنّه صَگُرها الأمس حلّگ أیّست مِنّه خذاها و طاربیها و طارت أخباره یعبیّس دأیّس ما بگت یُوره ونصحک صُحبَةِ الجیران مخطوره أخو امطشّر سَماح الراح أمس ثوره لِگاه امطبّره ابطُبرَه الکلف یاره یعبیِّس دأیّس ما بگت راحه ولا حتّه لَطفال ابلعب مرتاحه ذبل ورد الطّفوله و یبس قدّاحه یوَسفه وصار ینثُر نار نُوّاره یعبیّس دِأیّس ما بگت وِنسه و ظن عاد ابصخرنا الدّهروالخنسه سبانه الما مِثل جنس البشر جنسه غِزانه ابرمح صیحه وخنجر اشهاره یعبیّس دأیّس ما تهب نسمه تحرّک میت دیرتنه و تهز جسمه یوَسفه المجد بس ظل نحچی ابإسمه ولکن راح رسمه وراحت آثاره یعبیّس دأیّس ما بگت رحمه صدیجی الچان گلبه أبیض صُبَح فحمه هلی الفرکنو گلبی و ذوّبو شحمه جفونی و صبَّحِت محتار بِالحاره یعبیّس دأیّس ما بگت عِفّه طفح موح السّفاها وزاحَم الچفّه ابکل دونی وسفیه النّاس محتفّه تِوِد تمشی ابخدمته وتلزم اکتاره یعبیّس دأیّس ما بگت صحّه حیاتی اتجر جدمها ابقهر و تسحَّه عله گطب المشاکل باتت الرّحّه تدور و طاگها اذراع الصّبر داره یعبیّس دأیّس ما بگت لذّه محال ایشوف لذّه الدوم یتأذّه یصاحب والبگه ابحسرات یتغذّه یود ابلحد گبر الموت یتواره یعبیّس دأیّس ما بگت حِیله شسوّی الحِمِل همّی المحّد ایشیله و منهو ایساعده و منهو الیتچّیله فقیر الباد حیله و گلّت أنصاره یعبیّس دأیّس شحّت الحاجه علینه و نار یَمرالضّیج وهّاجه کتلنه الضّیج وَدری الضّیج مِنهاجه یضیج اعله الأبی المعروف شنیاره یعبیّس دأیّس ما تصح عونه فگدنه الینتخی و أیسو الینخونه گبل یتونّس النّشمی الیفزعونه قنع بگلاص مای و چای و جگاره یعبیّس دأیّس ما بگت فرحه گبل چانت ابعِزنه الهدّمو صَرحه گلب مجد العشیره البیه ألف قرحه دمه جرحه اعله متن الموت یتجاره یعبیّس دأیّس ما بگت نخوه حِزمها الوکت رخّاها وغدت رخوه خُوه و سوّس عَمَد وجدانها و یخوه بعد و یطیح قدره و یِگُل عتباره یعبیّس دأیّس ما بگت نسبه نسیب الصار ذیب اشلون أخو اتحسبه دحط بالک حلالک عزّم ایچسبه؟ و لو صدّیت عنّه ایشنّک ابغاره یعبیّس دأیّس ما تصح گعده لذیذه و شوگنه ایودّ السّمَر بعده گبل چنّه ابسوالف سعد و بسعده نسولف بِالمضیف الزهه ابخطّاره یعبیّس دأیّس ما بگت عِشره گبل چانت العشره ابطیب منتشره عَشیرالسّاع لِلشّر منیله اموشره یحش ایرید روض السّلف وَ زهاره یعبیّس دأیّس ما بگت عِزّه چووها ولچّعوها ابنار الموزّه یذل الما لزم رمحه ابوغه و هزّه و لا رزّه ابچبد شرّیر و شراره یعبیّس دأیّس ما بگت شیمه تصدّع بیت عزها وصعب ترمیمه عند أهل القِیَم چانت لها قیمه عظیمه و للأسف صبّحت منهاره یعبیّس دقیّس و ذکر اللّمّه من اتفزعَک الغیره و تفزع ابهمّه گبل طبع العشیره المنتخه اتذمّه و لا تحترم دمّه و تاخذ ابثاره یعبیّس دقیّس وِ فکر ابگومی الغلّو سوم غیری و رخّصو سومی أخوتی السهّرونی و طیّرو نومی حَسَدهم ابشط امن اسیوف بتّاره یعبیّس بعد ما تصح تسیورَه و لا ینزار بیتی و محّد ایزوره گبل بیتِ الشَعَر بِالشِّعِرشع نوره حلت دلّة گهوته و حلو سُمّاره یعبیّس أذیّه و مُشکله و دوخه حیاة المبتلی ابدنیاه و فروخه أمس ظل محتمس ناهی الکفخ کوخه هوه صَرصَر بلوته و طیّر اهطاره یعبیّس شسیّس لو وگع بیتی عَلَی و بتاگت من الخِرج خرجیتی گبل چنت آنه وِبراهیم و سبیتی نسیّس بیت عِزنا و نرفع استاره یعبیّس امسیّس ظل فکر بالی و لا ظن گلب نشمی من القهرخالی خل اتسلّه ابقصیدی وبیت موّالی ولا بالی ابکلام الزعل وَشعاره یعبیّس الکیّس چیّس أسراری أخاف اتبوح بیها و تنهدم داری خل امضی ابشرف وَگضی وخل تظل ناری تشب بَگصه الگلب وتصیر گبّاره یعبیّس ثگلنا اتبدّل ابخفّه دوَت نیران شرنه اشبعد تتطفّه؟ عملنا الظهر بِالشّر چیف یتخفّه؟ ظهر و شتهر قبحه و بینت أسراره یعبیّس و لِیود النّبی و دینه یتابع مسلکه و شرعه و قوانینه و لا یرضی النّبی و لا بعد یرضینه عمل شخص الجبان الیفخر ابعاره ملا فاضل السکرانی