ما أنلام لوطیع ألــــــــوکت یا صاح
لأن عَل دنـــیه أبد مــــــــامش عتب
لعَب دَهری إویای لِعبَت شـات و ذیب
و مو عَجیبه إلـــــشات بـِل لِعبه إنقلب
وَعَل روحی إصبحت رَز إویاهه نیص
و لـــــــو فِرســهه وگام یاکل موعَجَب
دَهری سِـــلطان و حِکم کـِل إلـــشعوب
و مــــــوصِــعُب سِلطان لو یـِظلم شِعَب
آنه عِـــــــــند دَهری مَثل مای ألزلال
و مــــا أظن حاجِز یمنعه من إلشرُب
آنه یا صَــــــــــرخَت یتیم إبتالی لیل
و آنه دَمعَة جـــــاهل و ضاع إبدرب
آنه بیدَر حَنطه عند شایـــــب نحیل
لـَـــملـَمه إبعرگ إلجین إبکل تعب
گلی بالله إشـــلون هل شایب یعیش
لو نــَــــــــــذِل بلبیدر إبناره یـِشُب
آنه یا صَفــنت غریب إبکل غروب
وآنه یا ذلــــت غریب إبکل غِرُب
آنه حزن ألگاع لو مرهه ألِمــحَل
آنه ونَــــــت دار ولبـیهه إنــنهب
آنه نوح إوحید لو فـَــزعه تصیــر
آنه چلمت اوُف تطـلع وَی عَتـَـــب
آنه ناعـــور ألـتــرس گـَــــلب النهر
و آنه مَزنَت خـــیر عَل وادم تَصب
مــــن وفه الــعبــاس چلمه إتعلمیت
لو أخـــوی أبعطــش ماذوگ ألعَذَب
مو طـَبع بَزون وفــــرح لــو عِــمَو
أهــلی لو یـِعمون یـــِنصاب إلگلب
آنه حَگ إلماطــلــع صوتی إبمــکان
آنه ردت إلـــســـله مارِدت إلعنـــب
آنه یــلتـنــشـد علی خجلانه أگول
فلسطین آنه وهَلی من أصل العرب
______________________________