بعد ما اوصی گلبی یعاتب الروح
شیفید العتب وترید احاچــــــیک
ماشه نار حبک تلهب ویــــــای
کافی انزف جرح وترید اداویک
تحرگنی بغرامک واشتعل نار
وهسه ترید ترجع ما اخلیک
یاریتک تچی وتشوف الجروح
تلگاهن خطیه یسولفن بیک
شسولفلک علیهن والله محتار
یاجرح التشوفه ابناره یچویک
احبک حب عراقی یحب الهموم
اصیل وشایل الدمعه ویسلیک
حبیتک طفل عایش ویای
یاعشک الطفوله شلون أأذیک
سامرتک لیالی وگلبی مذبوح
مثل نجم السعد بحضانی الولیک
یدک نای الحزن وی صفنه اللیل
حد وجه الصبح موال اغنیک
واسولفک علیه وحالی خلصان
بس عندی المهم لازم اداریک
شوف اثار حبک بین العیون
بین شیب بیهن وانت مابیک
وبین بالکلب حبک نیاشین
بعد شکثر بعد وترید اراویک
بین کلشی بین منک ویای
سلاما على الجروح البیهه اباریک
چنت شمعة بحیاتک تطرد اللیل
هسه الشمعة ذابت بیش اضویک
اترس حضنی الک بدموع العیون
واذا راحن عیونی اشلون ارویک
من مای الگلب شربتک ویای
وافتحلک نهر من گلبی وسکیک
هسه الگلب مات او مو گلب صار
جثه ابنص جسم حاچینی شنطیک
لمیتک دمع بعیون الایام
گلی شراح اگلهن لمن ابچیک
ألملم ذکریاتک حتى ارتاح
وشوف شباقی بیهن حتى ابدیک
طبع ذیب الوکت لتأمنه الجروح
زمان الضحکک لازم یبجیک