انه همومی جهال وترضع ادموع
اکضی الیل الولی وماینامون
اغفی ابهذا یگعد ذاک ویلوع
ویفزون اعلى صوته ماینامون
الکبر منهم فطمته ویاکل اضلوع
شسوی اشلون لو کلهم یکبرون
جنح بیه انکسر والثانی مخلوع
وطرت گوه على اعناد الیکرهون
بس اسمک نهر والمای مگطوع
وانه اعلى الجرف الهث بلعیون
اون بسکوت موش ابصوت مسموع
وانه اجروحی علج والوادم اسنون
من عرجه الفرح من روحی مشلوع
وشتل حزنه الزمان ابنص العیون
عشت عمری أبیتم ومگمط ابجوع
ورضعت الظیم من دون الیرضعون
ویمرنی العید وانه ابثوب مرگوع
وعیدیتی جرح عکس الیعیدون
تمنیت الوکت لو یرجع ارجوع
وانه امسودن وگولن یرجع الکون
بعده اخضر عشگنه وتوه مزروع
واجو ربعی امناجلهم یحصدون
یونس زین عمی ابحوت مبلوع
وانه ابحلک الشماته المایرحمون