قصیده لیش ضاع.....

لیش ضاع الصدگ عدنه ومابقت راحه وامان مدری بینه احنه الوکاحه مدری من هاذ الزمان ** ** ** مدری بینه احنه الوکاحه ومانحسّب بل امور مدری من هاذه وکتنه هل یفر بینه ویدور اشگد نهه سید الانام امن التکبّر والغرور وگال شخص الجهل بالک تگعد ویاه ابمکان ** ** ** گال شخص الجهل عوفه ولاتخلی لک رفیج بالک ابیوم ان تشوفه وتمشی ویّاه ابطریج ایعوفک اول مایصادف رعده لو لمعت بریج کلوکت بلچذب نادر لاکن ابفعله جبان ** ** ** کلوکت بلچذب نادر لاکن ابفعله رذیل هاذه عوفه ولاتمرله وامشی وی واحد اصیل امشی ویّه الّی کلامه بی فرد حکمه ودلیل وخالی گلبه من الخباثه مملی بلحب والحنان ** ** ** خالی گلبه من الخباثه وخالی من کل الدجل بلوفه والطیب دومه ینضرب بیه المثل یخی شتفید الندامه لوگرب وایه الاجل والمشاکل کلهه تگضی وهاذه کله النه امتحان ** ** ** والمشاکل کلهه تگضی والعمر یگضی ویروح تبقه بس الزینه عدنه وینعرف گلب السموح خلّی گلبک دوم صافی وکلوکت طبعک نصوح وعوف هل خصله القبیحه اشگلت واشگلّک فلان ** ** ** اخس وارذل خصله عدنه الفتن والگال وگلت اشگد نهیت الناس منهه اشگدکلام اتحمّلت اتشوف عنده لحیه بیضه وحاط بچتافه البشت خیر الظاهرتشوفه ویطلع الباطن شیطان ** ** ** خیّر الضاهرتشوفه واهوه منبع للفساد قدوة المجتمع هاذه ایعلّم الناس اعتیاد شنو ایجاوب ربه باچربلگبر یوم المعاد من هل اعمال الغبیحه اشلون ندخل للجنان ** ** ** من هل اعمال الغبیحه اشلون باچرنه یصیر وطبعه هاذ العمر جاری والزمن طبعه یدیر اشویه خل نمشی ابلطافه ونعمل ابذمه وضمیر حته باچر ماکو حیره ونعثر ابزلت السان ** ** ** حته نمضی ابراحه باچرمن صراط المستقیم لازم انصفّی گلبنه ونترک انسان الئیم مایشوف الجنه الّا من اتی ابقلبِ سلیم یاالله کلنه انعاهد الحق گبل لیفوت الاوان الشاعرعظیم البوخنفر ابوتوفیق