((چـذابـة))
ماتنفع ادموعچ بعد
طول الدهر لو تبچین
چذابة؛ دمعچ مو ندم
دمع الندم یعمی العین
چنتی حلم بالنسبة الیّ
ثوب العفاف أتلبسین
وردة وشتلتچ بالکَلب
ماادری عوسج تصفین
طبعچ ملاک اتصورت
حب وحنان أتحملین
سعفة نخل طبعچ صفة
ویة الریاح أتمیلین
جَرَحنی یاحیف الزمن
وأنتی بجروحی أتلعبین
جربتچ وخاب الأمل
کَمتی بغرورچ تمشین
ندمانه اجیتی أبلا خجل
برموشی جرحی أتشلین؟؟
سیفچ کَطع چفی امس
وشلون أسامح تردین؟؟
کَلبی الِخلِص بمحبتچ
ما یکَدر أیحب مرتین
کلشی انتهة من عشرتچ
دمعـة نـدم ما تسویـن
***************
جلال البطاط