شعرشعبی بین البیادر

بین البیادر یا مطر غیمة صبح فاتح لعد غیثک شلیلی سگّطت گطرة نده او بس ما روت حرگة غلیلی ذکّرتنی ابجرح نایم جرح ناسیه الدلیلی هزنی شوگ الخیل هم تسمع صهیلی لا صهیل الفاد واثر لا سحاب الشوگ مطّر بس خرز عمری ابحلاته انگطع و ابّابک تطشر کفکفت دمعات عینی العوسجاتک کتّه کتّه وآنه طیر ابسیف عینک ینذبح وایموت سکته غسلن حبّک دموعی المات و ابگلبی دفنته عود بلچی ایشب غصن حبّک قصیده ابری شتلته لا شذه الریحان عطّر لا عشگنه المات خضّر طاح کل ورگ المحبه او صار للعشاگ دفتر گبل بالسنبل لگیتک ذهب مصیوغ اعلی حبّه ذبّتک ما بین حبّات السنابل غیر ذبّه آخ من یوصل حصادک بآخر ایام المحبه چان ادورک بیدی مابین البیادر حبّه حبّه خوفی لا لعصفور نگّر خوفی من الریح نعثر خوفی لا لحاصود لمّک خوفی لا ینساک بالبر