انتی یاشـمـعـة اسـنیـنـی الـمـاطـفـت
وانـتی نـبـراس الأمـل لـیـلـة ظــلام
وانـتی بـیـرق اهـلی الـرفـرف مدیم
شامـخ ابـعـزدوم بـأحـروب وسـلام
انـتـی کـل رمـز الـعروبه ابیحلابیچ
وبـــیـچ کـل تاریـخ یـعـرب اسـتـقـام
انتی عـلمـتی الـغـناعـه الکـل وجـود
وانـتی علـمـتی الصبـر والاحـتـرام
انـتـی درا الـصـافـیه الـمابـیهه غش
المـاوصـلّـچ مـن حـده ابـیـوم اتّـهـام
انتـی ربـیـتـی اسـود مـن الـرجــال
انــــتـی لأتـحـمـلـتـی انــواع الآلام
انـتـی تـاج وفـوگ هـام الـکـل کـفوء
انــتـی بآلـتـاریـخ لـیـچ اعـظـم مـقـام
انـتـی انـتـی الـمدرسـه الـبـچ افتخار
مدرسه الـمـنـهـه تـعـلـمـنـه الـنـظـام
انـتـی یـا اجـمـل هـدیـه مـن الـجـلیل
والسـتـر عـنـدچ یـعــد اعـظـم وسـام
انـتـی یا شـاعـر یـوصفـچ یـاشـعــور
لوجـمعـنا الکـل غـوافی وکـل کـلام
انتی یاکوخ الوفی الـلـمـنـه ابـحـنـان
انـتـی اذلال الـیـذل لـیـنـه ابـمـنـــــام
انـتی تاریـخ العـرب بـأسـمـچ شـهــد
انتی نبعه الصافیه مـن اهـلی الکـرام
انـتی وردة رازقـی وطـیـبـچ یـفـوح
انـتی نسـمات الـصبح تطفی الضرام
انـتـی بـس درب الحقیقه التمشی بیه
مامـشـیتی ادروب مکروهه وحرام
انـتـی اختـنه وبـتنه وامنه وانتی نور
الـبـیـچ دایـم مـرتـفـع راس الـعـمـام
انتی رمز الکل وفی وطبعچ سمـوح
مـاتـحـبّـیـن الـحـقـد والأنـتـقــــــــام
انتی للحب تـصبحیـن اجمـل حـبـیب
والـفـتن والـغـش مـعا دوم ابـخصام
انتی بیچ اغلا الـشرف یتـبـاهه بـیـچ
وانـتی عـلّـیتی الجـمـیع العربی هام
انـتی یا اهواز العروبه الفخری بیچ
لـلـحـضـور اسمـچ اذکـرنّه ابـختام
عظیم البو خنفرابوتوفیق