استاهل الصار ، او بعد شیصیر
الیزرع صبخه ما یلگه الیحصده
من شفت الغلط ، غلست عن خوف
او گلت الصوچ بیه اعیونی رمده
او گلت اشبیها اذا یغلط المسؤول ؟؟
المهم النیه ، اکید الخیر قصده
او سبع اسنین ارق عندی او کوابیس
ما لمت الوضع ، لمت المخدّه
او رضیت او مثل غیری ابواقع الحال
وابرّر بالیصیر او شکی ابعده
تچوینی الحدیده وابتسم حیل !!
واصیح الله رحمنه الضیم عدّه
امان ، او خیر تارس هذی الجیوب
او ضُمن مستقبله النایم ابمهده
قضینه عالفقر ، والمرض ، والجوع
او مسحنه الکل یتیم ادموع خدّه
ومن گد التسامح بینه والطیب..
گامت تنفجر عدنه المودّه