یصاحب من غیابک علی تل هم
صرت اطحن صبر و الروح تل هم
مثل ما تتله کتب الغیر تل هم
کتابی و رد علیه ابلا تحیه
عبدالحسین الباوی
*****
و هذه ردود الاخوة الشعراء
انطعن چبدی الطعنی منتلیته/
اعرضت وامرک تلیته منتلیته/
ردت تلوان خطک منتلیته/
اذبلت حبن ولا تم حیل بیه....
الشاعر : غلامرضا البوغبیش
*****
على ذاک التراب الچان تل هم
وگف گلبی و قهر هالروح تل هم
احبابی ابیوم غدر الوکت تل هم
منی انکسفت الشمس المضیه
---
علیه ابسبب فعل الربع تل هم
الغدت دخان عطب الفحم تل هم
گوم الما تربی ابعلم تل هم
یضیعون ابمتاهه و جاهلیه
الشاعر : خالد ال ناصری
*****
یصاحب من مأسی الجهل تلهم
ابدلیلی اومابگتله اعروق تلهم
انه وین اوتگلی الکتب تلهم
ابعذاب اوظیم لاتعتب علیه
---
شرابک لیش ظیم اصبح وتلهم
اسی چاراحتک راحت وتلهم
تل چان الگلب بی هم وتلهم
قضیتک چملت واثرت بیه
الشاعر : اسماعیل المشعلی
*****
انجمع هم اعله هم اوصارتل هم
*اوغدة نارالهجربحشای تلهم
*اذاتتله کتب ارجوک تلهم
*کتابی اوشوف تاذی القصص بیه
الشاعر: حسن نیسی الحویزی
*****
یصاحب هلأحبه الدهرتلهم
وجروحی غدت فوگ اللچم تلهم
ملح وکتابک الهلگلب تلهم
وبعثلک من صبر میت تحیه
الشاعر : ملاعلیرضاالنوروزی
*****
قدو ربعی وصفیت بضیم تلهام
وبقت روحی الیمه وصبر تلهم
تل جور بجفاهم صار تل هم
وبعدنی أتأمل یردون لیه
---
شدگ بیدی صبر بجفاک شلهام
چثیره جروح بیه وصعب شلهام
بعدگلی الشماته ویای شلهم
انته وحرمو وصلک علیه
الشاعر : ابونجم الصابئی
*****
جفاک اعتقدبگلیبی شتلهم
اذاشح الصبر روحی شتلهم
احبابی لوظعن واحدشتلهم
شفعل من تشت اظعون الیه
الشاعر : الحاج نعیم کروشاوی
*****
دلیلی ابیوم عفتک شال تل هم
§وروحی مثل روحک صبرتل هم
§یصاحب بی کتابی إتگول تل هم§
أتل بی چیف عله إهوه المنیه§
الشاعر : هادی الإمغیطی
*****
لمن من ظیم خلانک بتلهم
ابدلیلک یاصبر ینفع بتلهم
آنه ابوسط دلالی بتلهم
بنیت اوتالی هم اغدروا بیه
الشاعر : فواد اسماعیل المشعلی
*****
راح الفرح یاصاحب وتلهم؟
اوروحی ادگ صبر ضلت وتلهم؟
اذاکان الهجریرجع وتلهم؟
افرح والسعاده اتعودالیه؟
الشاعر : حیدرالمشعلی
*****
الگلب بجفاک شال اهموم یرتل.
حزن بکتاب هجرک صار یرتل.
بفراگک یولفی اصرخت یرتل.
حب ایعیش خل گلبی ضحیه
السیده عاطفه النوری
*****
یصاح ابموسط الدلال تلهم
وغدت رحای بگصه احشای تلهم
حسافه احباب گلبی الدهر تلهم
غدر والناربفوادی سریه
الشاعرالحاج جمعه عباسی الطرفی (ابویوسف)
*****
یصاحب لاتسد الباب وتلاک
وآنه اؤل فزع لوصحت وتﻻک
تضل ابسرحیاتی اکتاب وتلاک
وضیعن لویشح وصلک علیه
---
دریت ابیرگلبی اهموم منتل
طحت وبریشة السقای منتل
اصیح ابدسکرة بلوای منتل
ویشدعزمی ویردالنفس بیه
الشاعر : حسین وحیدالساری